أغلب الكورسات اللي بيتم تدريسها وخصوصا للمبتدأين أو الناس اللي بتتعرف على الغطس لأول مرة بتكون على ال BCD العادي اللي هو ال Jacket-style واللي يعتبر الأكثر انتشارا وأكثر شهره، والسؤال هنا هل فعلا ال Jacket-style هو الأفضل للتدريس للمبتدأين؟ يعني لو واحد بيتعرف على الغطس لأول مرة هل أفضل ليه إنه يبدأ بال Jacket-style لأن ال Wing هيكون صعب عليه؟ اللي مش عارف الفرق بين ال BCD العادي وال Wing ده فيديو بيوضح الفرق بينهم: http://bit.ly/2M3xhtY

الإجابة لا، لأن اللي جاي يتعلم هو مايعرفش الفرق ما بينهم، يعني لو نزلته ب Jacket-style هيتأقلم عليه وهيبقى بالنسباله حاجة كويسة مع التعود، وفي المقابل لو نزلته ب Wing بردو هيتعود عليه وهيبقى الموضوع بالنسبالي مفيهوش أي صعوبة.

إمبارح Mark Powell عمل محاضرة بيتكلم فيها عن تدريس كورس ال Open Water على ال Wing وال Longhose واتكلم عن مميزات استخدام ال Wing وأهمية إن الناس تتعرف عليه حتى لو مش هيغطسوا بيه لأنهم أكيد هيشوفوا الناس بتغطس بيه وممكن يتحطوا في موقف إنهم محتاجين يساعدوا حد بيغطس ب Wing.

اتكلم Mark عن إن ال Wing هو أكثر كفاءة لأن الهواء اللي بيكون فيه بيبقى في الخلف وده بيساعد في Trim position وبيساعد في ال Buoyancy

كمان لو حبيت تروح لل Technical Diving إنت مش محتاج تغير كل حاجة لأنك هتروح بنفس ال Configuration اللي انت واخد عليه فمش هتاخد وقت إنك تتأقلم على ال Configuration… بيساعدك إنك تبني ال Muscle Memory يعني لما تتعود عالحاجة إنت من غير تفكير بتتصرف، فلو في موقف معين إنت هتتصرف فيه أسرع لأن في عندك Muscle Memory اتبنت وانت عارف الموقف ده بتتصرف فيه إزاي مهما اتكرر فانت بتتصرف بنفس الشكل.

والنقطة دي أنا جربتها بنفسي لما كنت بعمل كورس ال Fundamentals -اتكلمت عنه هناhttp://bit.ly/2YgFNJG -واللي كان على ال Wing Configuration وأنا كنت متعود على ال Jacket-style كان بقالي أكتر من سنه بغطس بيه فلما غيرت ل Configuration مختلف كان الموضوع فيه صعوبة في الأول علشان أنا مش متعود عليه.. لكن لو بدأت من الأول على Wing كان الموضوع هيبقى مختلف.

ال Harness مفيهوش حاجة من قدام، هو قطعة واحدة و Clear يعني مفيش حاجة حواليك وده بيكون مريح أكثر علشان الدنيا فاضية ومفيش حاجات عليه ممكن تلخبطك.

كمان بالنسبة لل Diving Centers ال Wing هيكون أفضل لأنه مفيهوش مقاسات زي ال BCD العادي، ال Wing بيكون فيه Harness وانت بتقدر تظبطه على أي حد.

بالنسبة لل Regulator اتكلم عن نقطتين، الأولى إن ال Back up regulator هو متعلق حوالين رقبتي فلو حصل وال Main regulator وقع مني فبسهولة هقدر أستخدم ال Back up.

والنقطة التانية بالنسبة لل Longhose فهو أفضل في حالة ال Share air لكذا سبب:

الأول إن بيكون في مساحة بينك وبين الDiver اللي بتعمل معاه Share air والمساحة دي هتخليك تقدر مثلا ترفع SMB لو انت محتاجها وده على العكس لو بتعمل Share air من ال Regulator العادي هتكون المسافة بينك وبين ال Diver صغيرة فهيكون في صعوبة في الحركة.

تاني حاجة لو هتغطس في Wreck أو جوا Cave وهتعمل Share air فهيكون مستحيل إنك تعمله بال Regulator العادي وبالتالي في الحالة دي ال Longhose هيكون أفضل.

بردو تاني فكرة ال Muscle Memory مهمة في التعامل مع ال Regulator لأن هي نفس الطريقة اللي بتعامل بيها في كل بيئة إنت بتغطس فيها، يعني لو بتغطس في Open sea وهتعمل Share air هيبقى نفس الطريقة في ال Wreck ونفس الطريقة لو هتغطس في Cave فانت هتتصرف بشكل تلقائي في أي موقف منهم لأنك متعود على ال Configuration دي.

في حالة بقى إننا هندرس بال Wing وال Longhose فالمفروض ال Divers يكونوا Neutral Buoyancy وده أصلا المفروض العادي سواء Wing أو Jacket لأن ال Diver لو بيعمل الSkill وهو قاعد زي مثلا إنه بينضف ال Mask، لما يقابل ده في موقف حقيقي ومحتاج إنه ينضف الMask فهيبقى عايز يرجع لنفس الوضع اللي اتعود عليه أو اللي اتعلم عليه، وعلشان كده مهم إننا نحاول ندرس ال Skills واحنا Neutral Buoyancy ومفيش منظمة بتمنع ده، بل على العكس في منظمات زي مثلا GUE مش بيدرسوا غير وهما Neutral Buoyancy . فلما بندرس لل Diver وهو Neutral Buoyancy ده بيخلي عندي Diver قوي.

طبعا اللي مش عايز يدرس ب Wing مفيش مشكلة، واللي عايز يدرس وهو قاعد هو حر Don’t be so serious please 😀

آخر حاجة بقى Mark Powell هيبقى موجود تاني بكرة هيتكلم عن Decompression وبالمناسبة هو اللي كتب كتاب Deco for Divers واحد من أفضل الكتب اللي بتتكلم عن Decompression وده الرابط بتاع ال Event http://bit.ly/2GhMZ0z

لو حد درس قبل كده ال OWعلى Wing ياريت يقولنا تجربته كانت عامله ازاي؟


error: Content is protected !!