أنا مش بعيش في المحيط وماليش خياشيم، ليه أهتم باللي بيحصل في المحيط، ليه أهتم بمكان عميق، ومظلم والناس بتغرق فيه، وكمان مليان بأسماك القرش اللي عايزة تاكلنا؟

ده كان سؤال أحد المذيعين ل Sylvia Earle – عالمة أحياء بحرية أمريكية – عن كتباها “The world is Blue. How our fate and the ocean’s are one”-العالم أزرق كيف أن مصائرنا ومصير المحيط واحد –

الاهتمام بالمحيط مش قاصر على الناس اللي ليها علاقة بالمحيط أو في بينها وما بين المحيط اتصال مباشر، زي الصيادين، الغواصين، علماء الأحياء البحرية، وغيرهم الاهتمام بالمحيط هو مسؤلية كل شخص. حتى لو مفيش اتصال مباشر بينك و بين المحيط فانت بتستفيد منه بصور مختلفة زي ما قولنا إنه بيمدنا بالأكسجين وكمان بيمتص ثاني أكسيد الكربون وضيف عليهم إنه يعتبر مصدر هام للغذاء، و أدوية كتير مهمة بتعالج أمراض خطيرة زي السرطان مصدرها المحيط. فابختصار زي ما المحيط مهم للأسماك والكائنات اللي بتعيش فيه فالمحيط كمان مهم لينا احنا البشر. وعلشان نحافظ على المحيط في حاجات كتير نقدر نعلمها:

1 – مانرميش زبالة في البحر أو عالشواطئ.

2 – يكون عندنا وعي بالأسماك اللي بناكلها. http://bit.ly/30eQAVV3

3 – إننا لو في مكان فيه شعب مرجانية بلاش ألمس الشعب دي. http://bit.ly/2W8F7Eb4

4- إننا نعمل شير للبوست ده 😀 إيه تاني ممكن نعمله يساعدنا في إننا نحافظ عالمحيط؟
Photo by Brian Taylor on Unsplash

error: Content is protected !!