كنت اتكلمت قبل كده عن كورس ال GUE Fundamentals وإزاي هو فرق معايا من ناحية ال Skills اللي أنا اكتسبتها أو الKnowledge وكمان فرق معايا كمدرب وساعدني كتير . اتكلمت عنه هناhttp://bit.ly/2N5uFu9من الحاجات اللي كان سامح سكر -المدرب 😀 -بيعملها في الكورس وفرقت معايا جدا هي تصوير الفيديوهات تحت الماية واحنا بنعوم … من ضمن الحاجات اللي اتعلمتها في الكورس هي ال Kicks فلما كنا بنيجي نمارسها كان سامح بيصور فيديو علشان نشوف نفسنا بعد ما نخلص كنا عاملين إزاي. الموضوع ده فرق معايا علشان لما كنا تحت الماية وكان مثلا سامح يشاورلي يقولي خليك Horizontal أو ارفع ركبتك كنت بستغرب، واقول لنفسي مانا Horizontal أهو وركبتي مش لتحت بس بعد ما بشوف الفيديو كنت بلاقي نفسي فعلا ماكنتش Horizontal أو عندي حاجات عايزة تتظبط وده كان بيساعدني بعد كده علشان أنا شوفت شكلي في الماية عامل ازاي وعرفت إيه اللي محتاج يتظبط عندي.

لما بدأت اعمل الموضوع ده مع الناس اللي بيتعلموا معايا واصورهم فيديو وهما بيعوموما وبعد ما نخلص نتفرج على الفيديو ويشوفوا نفسهم، كنت بلاقيهم يقولولى إحنا في الماية ماكناش فاهمين انت بتاشورلنا خليكوا Horizontal ليه لأننا كنا فاكرين نفسنا بنعوم فعلا واحنا Horizontal وده نفس اللي كان بيدور في دماغي وانا في كورس الFundamentals .

اللي عايز أقوله يعني إن موضوع تصوير الفيديو ده من وجهة نظري مهم جدا وبيفرق مع الشخص علشان إن الواحد يحس بجسمه في الماية دي مش حاجة سهله وخصوصا المبتدأين فهما محتاجين يشوفوا نفسهم علشان يعرفوا إيه المشاكل اللي عندهم ويبدأوا يعدلوها.

طبعا في ناس شغاله من غير فيديوهات وزي الفل، لكن دي حاجة أنا جربتها وساعدتني وسهلت عليا في شغلي فحبيت أقولها للناس اللي حابة تجرب وتشوف تأثير ده.

Leave a Reply

Your email address will not be published. Required fields are marked *

error: Content is protected !!