واحد من الكتب المهمة اللي بتتكلم عن ال Diving واللي تقريبا مجمع كل حاجة إنت محتاج تعرفها سواء كنت Diver بالفعل أو بتفكر تبقى Diver. الكتاب اتكلم عن كل حاجة ممكن تتخيلها وبيجاوب عن أسئلة كتيره في الغوص زي اختيار المدرب واختيار المنظمة اللي انت تعمل فيها كورسات الغوص وازاي تعرف مستواك وازاي تكون Diver كويس والتخطيط للغوص، والBuddy بتاعك.الكتاب إسمه Fundamentals of better diving ل jarrod jablonski وهو المؤسس والرئيس لمنظمة GUE.المقدمة دي مش كل حاجة اتكلم عنها الكتاب وان شاء الله هكتب عنه بوست منفصل لكن في البوست ده حابب أتكلم عن جزأ من الكتاب بيتكلم عن ال Fitness أواللياقة البدنية للDiver واللي كتير من الناس بتهملها واللي نتيجة إهمالها في النهاية بتسبب مشاكل كارثية. دي الفقرة زي ما ذكرها الكتاب.

Fitness includes cardiovascular health, strength, flexibility, nutrition, abstinence from smoking and drug use, and limited or nonexistent alcohol consumption. Overweight and/or out of shape divers should take responsibility for their lives and adopt an effective regime of diet and exercise. At a minimum, divers should average four days per week of cardiovascular exercise lasting at least 30 minutes and avoid high fat, high cholesterol diets, focusing instead on a generous consumption of fruits, vegetables, and grains.

الفقرة بتتكلم عن إن ال Diver محتاج يكون لياقته البدنية كويسة، وقلبه سليم، وبيتغذى بشكل كويس، ويكون ممتنع عن التدخين، المخدرات، واستهلاك الكحول يكون بحذر أو يمتنع عنه خالص. وبيقول الكاتب إن ال Divers مسئولين عن حياتهم ولو حد وزنه زائد فهو محتاج يتبع نظام غذائي علشان صحته أولا وثانيا يكون شكله كويس أو جسمانيا يكون شكله كويس، كمان ممارسة الرياضة مهمة وتكون بمعدل أربع أيام في الأسبوع لمدة 30 دقيقة -كل مرة 30 دقيقة مش الأربع مرات 30 دقيقه- ده طبعا بالإضافة لتجنب الوجبات الغذائية عالية الدهون، ونركز على استهلاك الفواكه والخضروات والحبوب. الأشخاص الغير مؤهلين بدنيا بيكونوا عرضة أكتر للمشاكل اللي ممكن تحصل بسبب الغوص وكمان بيكونوا أقل قدرة على التغلب على المواقف الصعبة، وده مش بس بيأثر عليهم ده كمان ممكن يأثر على الفريق ككل أو على الشخص اللي ممكن يتطلب منه المساعدة. ليه أنا بتكلم عن الفقرة دي بالذات؟ علشان شايف إن النقطة دي مهملة بشكل كبير على الرغم من إنها مهمة جدا ومن أهم الحاجات اللي المفروض الناس تعرفها عن الغوص وتطبقها.

Leave a Reply

Your email address will not be published. Required fields are marked *

error: Content is protected !!