الحقيقة كتير من الناس بتسئلنا السؤال البرئ الجميل ده لأنها بتكون فاكرة إن الشعاب المرجانية ما هي إلا مجرد صخور صماء لا فائدة منها، بس خليني أفاجئك وأقولك إن الشعاب المرجانية دي كائنات حية حساسة جدا يعني مينفعش نلمسها لأن مجرد لمسها كفيل إنه يقتلها ويمنع كمان نموها في المستقبل.

معلش كمان لو مش هيضايقك بلاش تقف عليها .. إيه ده هو في ناس بتقف عليها؟أحب أصدمك وأقولك أه في ناس بتقف على الشعب المرجانية وبتمشي عليها بكل أريحية ودي الناس اللي بتعمل سنوركل أو بتعوم في مكان قريب من الشعب المرجانية، يعني بيدمر عشرات بل ممكن مئات السنين-الشعاب المرجانية بتاخد سنين لحد ماتنمو- لمجرد إنه راح زار المكان مرة.

هل العشب المرجانية دي مفيدة أصلا؟ أنا سعيد إنك سئلت السؤال ده، هي أه مفيدة لأسباب كتير :

1 – إن على سبيل المثال بتدخل في صناعة الدواء واللي بيساعد في إمكانية علاج كتير من الأمراض الخطيرة الموجودة في العالم.

2 – بتعتبر مسكن لكتير من الكائنات المائية اللي منها الأسماك.

3 – بتوفر مصدر دخل للعديد من الناس اللي شغالين في مجال السياحة -مهمة جدا النقطة دي نحط تحتها 100 خط –

4 – في حالة موجات البحر العالية، والعواصف و الأعاصير بتمثل الشعاب المرجانية حواجز بحرية طبيعة لحماية المجتمعات الساحلية.

5 – وأخيرا بتمثل الشعاب المرجانية مصدر للغذاء للناس اللي بيعيشوا على الساحل-وطبعا مش محتاج أوضحلك إنهم مش بياكلوا الشعاب المرجانية ولكن بيتغذوا على الأسماك اللي بتعيش فيها-

فبلاش تلسمها بقى علشان أحبك والطبيعة تحبك.

Leave a Reply

Your email address will not be published. Required fields are marked *

error: Content is protected !!