هل علشان أغطس محتاج أكون بعرف أعوم؟

أول نفس هتاخده تحت المايه لايمكن هتنساه، تجربة الغطس حاجه فريده من نوعها بتتعرف على بيئة مختلفة وبتشوف عالم جديد، أول غطسة ليا عمري ماهنساها في حياتي كانت حاجة كده مزيج بين حب التجربة، ومتعة الاستكشاف، والخوف اللي بتحس بيه وانت بتعمل حاجه لأول مرة في حياتك، التجربة كانت مميزة جدا بالنسبالي كنت في حالة من الهدوء والسكينة عمري ما حسيتهم قبل كده، تحت الماية انت بتفصل تماما عن أي مصدر إزعاج، كمان هتلاقي دماغك بشكل تلقائي مبتفكرش في أي حاجه غير في العالم الجميل اللي انت موجود فيه.

لما عملت أول غطسة كنت بعرف أعوم وأعتقد ده أحد الأسباب اللي خلاني مستمتع بالتجربة أنا ماكنتش خايف من الماية لأني نزلت كتير عومت وعملت سنوركل وده اللي ساعدني أكون هادي في أول مرة.

 

طيب هل علشان أغطس محتاج أكون بعرف أعوم؟

الإجابة أه … لازم تكون بتعرف تعوم علشان تتعلم الغطس.. حالة واحدة بس ممكن تغطس فيها من غير ما تكون بتعرف تعوم وهي انك بتعمل غطسه تجريبية إسمها DSD ” Discover Scuba Diving ” بتنزل مع مدرب بيقولك على بعض التعليمات اللي تعملها تحت الماية وبتكون تجربة حلوة إنك تتعرف فيها على الغطس.. وطبعا لو بتعوم أو حتى عملت سنوركل قبلها ده هيكون أفضل لأنك هتكون كسرت حاجز الخوف بينك وبين الماية وهتكون متعود على انك تحط وشك في الماية وده هيسهل عليك تجربة الغطس.

 

Leave a Reply

Your email address will not be published. Required fields are marked *

error: Content is protected !!